Al zener ed Tognet

Lè un inveren acsè tremend
Sensa pan sensa farena
Sensa legna in tlà legnera
Sensa ven in tlà cantena

I ragas ien da vestir
Da nutrir e da sclader
E fra vint o trenta gioren
Na cambiela da pagher

Ghe Tognet clè tant dispre
Ansa più che sant ciamer
La moiera in un bisbili
Lag vol der al so consili

Te Tognet va zo dal pret
Disen tutt clè tant onest
Vag a veder sat pol der
Un pochin ed sold in prest

E Tognet alvà dal cure 
che a li cata in tal segree
asgasvena con timor
e alghè dmanda ste favor

ma perbacco con piacere
aiutarti è mio dovere
te li do e come puoi
me li rendi quando vuoi

Sgnor cure cost lè un moment
Ed miseria verament
Me eghidadgh indre stafton
Quand e vend conì e capon

E al pret agdà in contant
Sentsinquanta mila franc
Che Tognet alvà a comprer
Un po ed roba da magner

Semper acsè la va a finir
Quand al prét lè un po’ trop bon
Che Tognet na pròfite
La màgne lù conì e càpon

Già tànt tèmp lera pase
che dal debit alsera scorde
quand un di in mesa al paes
al sincontra con al pret

o buon giorno mio Tognetto
tu stai bene ai bell’aspetto
ti ringrazio a non finire
tu mi porti quelle lire

O’nò nò al me sgnor cùre
Me son tant mortifiche
Enpos mia paghergh al debit
Perchè engò ne sold ne credit

Reverendo sal saiss
in che guai in che pastiss
A ma miss una me fiola 
leter di se fata sora

una dota go dovu fer
cme clà fusa da sposer
e tutt i debit che le la fat
ien tutt mee ades da pagher

o Tognetto in questo momento 
devi essere contento
ti sei fatto tanto onore
ai dato una sposa a nostro Signore

me queschi en lò mai previst
che me zener al fùsa crist
le semper este lù vita sola
propria lu a sposa me fiola?

Sal mè cosa iò pense?
E gal digh me sgnor cure!
Che se in pèra al vol torner
Alvà da me zener alghivà dmander

Con al limosni chegh fan in cesa
Sensa tuti al donasion
Al pol pagher anca al me debit
Dopa tutt e son so non.

Cesare Carlini - Cerezzola, Maggio 1992 -